Alahady 31 janoary 2021 – Litorjia amin’ny endriny faha-efatra – Alahadin’ny FI.MPI.Z/K.A
Ry hava-malala rehetra ao amin’ny Tompo, dia mbola hampitomboina aminareo mandrakariva hatrany anie ny fahalalana tsara ny momba an’Andriamanintsika, Amen.
Zavatra iray no ambara aminareo eto am-panombohana dia ny atao hoe manompo an’Andriamanitra. Roa no ao ambadik’izany atao hoe manompo an’Andriamanitra izany araka ny fijerin’ny mpandinika.
Ny atao hoe manompo an’Andriamanitra dia :
- Manao izay hampanaovin’Andriamanitra
- Ianao no manao hetsika hahatsapan’Andriamanitra fa tia Azy ianao
Ny litorjia faha-efatra dia ao amin’ilay famaritana faharoa. Isika Fiangonana no manao hetsika hanehoantsika ny fitiavantsika an’Andriamanitra amin’ny alalan’ny zava-maneno sy ny hira fiderana.
