Mitombo taona ny olombelona fa mihena ny herin’ny vatana. Mitombo taona ny olombelona fa tokony mitombo arak’izany ny herim-pinoana izay avy amin’ny fahasoavana. Ny kristiana izay nandray an’i Jesoa Kristy dia tokony hitombo sy hihamahery ara-panahy. Misy anefa ny dingana tokony arahina ka ireo no nazavaini Mpitandrina RAVELOSOA Mickael nandritra ny fotoam-bavaka isan-tokantrano ny Alahady 26 jolay 2020.
1/ Manàna tanjona.
Hita manomboka eo amin’ny and3 – 6 ny fanoharana izay nentin’i Paoly nanazavana ny tanjona tokony hananana ka tamin’ny alalan’ny fanoharana izany.
Miaramila : hitondra fifaliana ho an’izay nifidy anao
Atleta mpanao hazakazaka : miandrandra ny satroboninahitra
Mpamboly : hahazo vokatra
Ny ezaka ataonao manakaiky na mahatratra ny tanjona no mampazoto anao handroso foana. Inona izany no tanjona apetrak’Andriamanitra aminao eo amin’ny maha-kristiana anao ? Tratranao ve io tanjona io ? mahatsapa ve ianao fa mandroso sy mihamahery ?
2/ Manary ny enta-mavesatra
Raha te-handroso sy hatanjaka ianao dia esory izay rehetra mitroka ny herinao ka manavesatra ny fiainanao. Eo amin’ny fiainana kristiana dia ny OTA no manavesatra ny fiainam-panahy. Matanjaka eny am-piandohana fa reraka eny an-dàlana. Ny fiarahana amin’i Jesoa Kristy no hahafahanao mihazona ny hery tsy ho latsaka
3/ Manana finiavana
Ny tanjona izay napetrak’Andriamanitra aminao dia manosika anao hanao ny ezaka rehetra hahatanteraka izany. Rehefa mitombo ara-panahy ianao dia mitady ny hevitra rehetra hanaovana sy hanatsarana ny asan’Andriamanitra ka mampiasa ny saina. Mila tohizana ny asa ary mitady ny hevitra mba hisian’ny fitohizan’ny asa.
