Passer au contenu principal

FJKM KATEDRALY ANALAKELY

« Miorena tsara , aza miova » (1 Kor 15 : 58)

Tontosa ny Alatsinainy 10 jona lasa teo ny fitsangatsanganan’ny mpiara-miangona ao amin’ny FJKM Katedraly Analakely. Teny amin’ny « Café d’Ampasimbe » Ambohimalaza no nifampotoana ka mpianakavin’ny finoana niisa arivo teo no tonga teny.

Tao amin’ny II Kort 3.5-14 no nentin’i Raveloasoa Andriamamonjy Mickaël Mpitandrina nanombohana ny fotoana ary nitohy tamin’ny lalao isan-karazany izay efa nomanin’ny komity izany. Fotoana nahafahan’ny mpiara-miangona mihaona ivelan’ny fiangonana io ka mifampizara sy mifampitafa ny besinimaro.

Ny sampana rehetra ihany koa dia nanana anjara lehibe teo amin’ny fanafanana sy ny fivarotana sakafo isan-karazany. Marihina fa ny fitsangatsanganan’ny fiangonana toy izao dia hetsika ifandrombonan’ny firaisan-tsampana.

Ny atoandro moa dia niaraka nanao ny sakafo AGAPE izay niantohan’ny fiangonana tanteraka ka nahitana ny firaisana sy fiombonana tokoa.

Nilamina tsara iny fotoana iny ka afaka niala voly ny mpiangona