“Ho tafakambana tsara ianareo, hiray saina sy hevitra” (1 Kor. 1, 10b ). Io no teny faneva hankalazana ny faha-40 taona ny Fiombonan’ny Fiangonana Kristiana Malagasy izay hitambaran’ny FJKM, FLM, EKAR, EEM ).
Ny zoma 23 aogositra 2019, amin’ny 2 ora no hisokatra amin’ny fomba ofisialy ny fankalazana ny fijoroan’ny FFKM, ka ao amin’ny EKAR Antanimena no hatao izany.
Ny Filoham-piangonana efatra mirahalahy dia miantso ny Mpitondra fivavahana sy ny vahoaka kristiana rehetra hanatrika io fotoana io. Hisy ny fankasitrahana ireo raiamandreny rehetra izay efa nanana andraikitra teo anivon’ny FFKM.
